Ganga Stotram | கங்கா ஸ்தோத்திரம்
देवि सुरेश्वरि भगवति गङ्गे त्रिभुवनतारिणि तरलतरङ्गे ।
शङ्करमौलिविहारिणि विमले मम मतिरास्तां तव पदकमले ॥ १॥
Devi Sureśvari Bhagavati Gaṅge Tribhuvanatāriṇi Taralataraṅge
Śaṅkaramaulivihāriṇi Vimale Mama Matirāstāṃ Tava Padakamale 1
தே³வி ஸுரேஶ்வரி ப⁴க³வதி க³ங்கே³
த்ரிபு⁴வனதாரிணி தரலதரங்கே³
ஶங்கரமௌலிவிஹாரிணி விமலே
மம மதிராஸ்தாம்ʼ தவ பத³கமலே 1
भागीरथि सुखदायिनि मातस्तव जलमहिमा निगमे ख्यातः ।
नाऽहं जाने तव महिमानं पाहि कृपामयि मामज्ञानम् ॥ २॥
Bhāgīrathi Sukhadāyini Mātastava Jalamahimā Nigame Khyātaḥ
Nā'haṃ Jāne Tava Mahimānaṃ Pāhi Kṛpāmayi Māmajñānam 2
பா⁴கீ³ரதி² ஸுக²தா³யினி மாதஸ்தவ ஜலமஹிமா நிக³மே க்²யாத꞉
நா(அ)ஹம்ʼ ஜானே தவ மஹிமானம்ʼ பாஹி க்ருʼபாமயி மாமஜ்ஞானம் 2
हरिपदपाद्यतरङ्गिणि गङ्गे हिमविधुमुक्ताधवलतरङ्गे ।
दूरीकुरु मम दुष्कृतिभारं कुरु कृपया भवसागरपारम् ॥ ३॥
Haripadapādyataraṅgiṇi Gaṅge Himavidhumuktādhavalataraṅge
Dūrīkuru Mama Duṣkṛtibhāraṃ Kuru Kṛpayā Bhavasāgarapāram 3
ஹரிபத³பாத்³யதரங்கி³ணி க³ங்கே³ ஹிமவிது⁴முக்தாத⁴வலதரங்கே³
தூ³ரீகுரு மம து³ஷ்க்ருʼதிபா⁴ரம்ʼ குரு க்ருʼபயா ப⁴வஸாக³ரபாரம் 3
तव जलममलं येन निपीतं परमपदं खलु तेन गृहीतम् ।
मातर्गङ्गे त्वयि यो भक्तः किल तं द्रष्टुं न यमः शक्तः ॥ ४॥
Tava Jalamamalaṃ Yena Nipītaṃ Paramapadaṃ Khalu Tena Gṛhītam
Mātargaṅge Tvayi Yo Bhaktaḥ Kila Taṃ Draṣṭuṃ Na Yamaḥ Śaktaḥ 4
தவ ஜலமமலம்ʼ யேன நிபீதம்ʼ பரமபத³ம்ʼ க²லு தேன க்³ருʼஹீதம்
மாதர்க³ங்கே³ த்வயி யோ ப⁴க்த꞉ கில தம்ʼ த்³ரஷ்டும்ʼ ந யம꞉ ஶக்த꞉ 4
पतितोद्धारिणि जाह्नवि गङ्गे खण्डितगिरिवरमण्डितभङ्गे ।
भीष्मजननि हे मुनिवरकन्ये पतितनिवारिणि त्रिभुवनधन्ये ॥ ५॥
Patitoddhāriṇi Jāhnavi Gaṅge Khaṇḍitagirivaramaṇḍitabhaṅge
Bhīṣmajanani He Munivarakanye Patitanivāriṇi Tribhuvanadhanye 5
பதிதோத்³தா⁴ரிணி ஜாஹ்னவி க³ங்கே³ க²ண்டி³தகி³ரிவரமண்டி³தப⁴ங்கே³
பீ⁴ஷ்மஜனனி ஹே முனிவரகன்யே பதிதநிவாரிணி த்ரிபு⁴வனத⁴ன்யே 5
कल्पलतामिव फलदाम् लोके प्रणमति यस्त्वां न पतति शोके ।
पारावारविहारिणि गङ्गे विमुखयुवतिकृततरलापाङ्गे ॥ ६॥
Kalpalatāmiva Phaladām Loke Praṇamati Yastvāṃ Na Patati Śoke
Pārāvāravihāriṇi Gaṅge Vimukhayuvatikṛtataralāpāṅge 6
கல்பலதாமிவ ப²லதா³ம் லோகே ப்ரணமதி யஸ்த்வாம்ʼ ந பததி ஶோகே
பாராவாரவிஹாரிணி க³ங்கே³ விமுக²யுவதிக்ருʼததரலாபாங்கே³
तव चेन्मातः स्रोतः स्नातः पुनरपि जठरे सोऽपि न जातः ।
नरकनिवारिणि जाह्नवि गङ्गे कलुषविनाशिनि महिमोत्तुङ्गे ॥ ७॥
Tava Cenmātaḥ Srotaḥ Snātaḥ Punarapi Jaṭhare So'pi Na Jātaḥ
Narakanivāriṇi Jāhnavi Gaṅge Kaluṣavināśini Mahimottuṅge 7
தவ சேன்மாத꞉ ஸ்ரோத꞉ ஸ்னாத꞉ புனரபி ஜட²ரே ஸோ(அ)பி ந ஜாத꞉
நரகநிவாரிணி ஜாஹ்னவி க³ங்கே³ கலுஷவிநாஶினி மஹிமோத்துங்கே³ 7
पुनरसदङ्गे पुण्यतरङ्गे जय जय जाह्नवि करुणापाङ्गे ।
इन्द्रमुकुटमणिराजितचरणे सुखदे शुभदे भृत्यशरण्ये ॥ ८॥
Punarasadaṅge Puṇyataraṅge Jaya Jaya Jāhnavi Karuṇāpāṅge
Indramukuṭamaṇirājitacaraṇe Sukhade Śubhade Bhṛtyaśaraṇye 8
புனரஸத³ங்கே³ புண்யதரங்கே³ ஜய ஜய ஜாஹ்னவி கருணாபாங்கே³
இந்த்³ரமுகுடமணிராஜிதசரணே ஸுக²தே³ ஶுப⁴தே³ ப்⁴ருʼத்யஶரண்யே 8
रोगं शोकं तापं पापं हर मे भगवति कुमतिकलापम् ।
त्रिभुवनसारे वसुधाहारे त्वमसि गतिर्मम खलु संसारे ॥ ९॥
Rogaṃ Śokaṃ Tāpaṃ Pāpaṃ Hara Me Bhagavati Kumatikalāpam
Tribhuvanasāre Vasudhāhāre Tvamasi Gatirmama Khalu Saṃsāre 9
ரோக³ம்ʼ ஶோகம்ʼ தாபம்ʼ பாபம்ʼ ஹர மே ப⁴க³வதி குமதிகலாபம்
த்ரிபு⁴வனஸாரே வஸுதா⁴ஹாரே த்வமஸி க³திர்மம க²லு ஸம்ʼஸாரே 9
अलकानन्दे परमानन्दे कुरु करुणामयि कातरवन्द्ये ।
तव तटनिकटे यस्य निवासः खलु वैकुण्ठे तस्य निवासः ॥ १०॥
Alakānande Paramānande Kuru Karuṇāmayi Kātaravandye
Tava Taṭanikaṭe Yasya Nivāsaḥ Khalu Vaikuṇṭhe Tasya Nivāsaḥ 10
அலகானந்தே³ பரமானந்தே³ குரு கருணாமயி காதரவந்த்³யே
தவ தடநிகடே யஸ்ய நிவாஸ꞉ க²லு வைகுண்டே² தஸ்ய நிவாஸ꞉ 10
वरमिह नीरे कमठो मीनः किं वा तीरे शरटः क्षीणः ।
अथवा श्वपचो मलिनो दीनस्तव न हि दूरे नृपतिकुलीनः ॥ ११॥
Varamiha Nīre Kamaṭho Mīnaḥ Kiṃ Vā Tīre Śaraṭaḥ Kṣīṇaḥ
Athavā Śvapaco Malino Dīnastava Na Hi Dūre Nṛpatikulīnaḥ 11
வரமிஹ நீரே கமடோ² மீன꞉ கிம்ʼ வா தீரே ஶரட꞉ க்ஷீண꞉
அத²வா ஶ்வபசோ மலினோ தீ³னஸ்தவ ந ஹி தூ³ரே ந்ருʼபதிகுலீன꞉ 11
भो भुवनेश्वरि पुण्ये धन्ये देवि द्रवमयि मुनिवरकन्ये ।
गङ्गास्तवमिमममलं नित्यं पठति नरो यः स जयति सत्यम् ॥ १२॥
Bho Bhuvaneśvari Puṇye Dhanye Devi Dravamayi Munivarakanye
Gaṅgāstavamimamamalaṃ Nityaṃ Paṭhati Naro Yaḥ Sa Jayati Satyam 12
போ⁴ பு⁴வனேஶ்வரி புண்யே த⁴ன்யே தே³வி த்³ரவமயி முனிவரகன்யே
க³ங்கா³ஸ்தவமிமமமலம்ʼ நித்யம்ʼ பட²தி நரோ ய꞉ ஸ ஜயதி ஸத்யம் 12
येषां हृदये गङ्गाभक्तिस्तेषां भवति सदा सुखमुक्तिः ।
मधुराकान्तापञ्झटिकाभिः परमानन्दकलितललिताभिः ॥ १३॥
Yeṣāṃ Hṛdaye Gaṅgābhaktisteṣāṃ Bhavati Sadā Sukhamuktiḥ
Madhurākāntāpañjhaṭikābhiḥ Paramānandakalitalalitābhiḥ 13
யேஷாம்ʼ ஹ்ருʼத³யே க³ங்கா³ப⁴க்திஸ்தேஷாம்ʼ ப⁴வதி ஸதா³ ஸுக²முக்தி꞉
மது⁴ராகாந்தாபஞ்ஜ²டிகாபி⁴꞉ பரமானந்த³கலிதலலிதாபி⁴꞉ 13
गङ्गास्तोत्रमिदं भवसारं वाञ्छितफलदम् विमलं सारम् ।
शङ्करसेवकशङ्कररचितं पठति सुखीस्तव इति च समाप्तः ॥ १४॥
Gaṅgāstotramidaṃ Bhavasāraṃ Vāñchitaphaladam Vimalaṃ Sāram
Śaṅkarasevakaśaṅkararacitaṃ Paṭhati Sukhīstava Iti Ca Samāptaḥ 14
க³ங்கா³ஸ்தோத்ரமித³ம்ʼ ப⁴வஸாரம்ʼ வாஞ்சி²தப²லத³ம் விமலம்ʼ ஸாரம்
ஶங்கரஸேவகஶங்கரரசிதம்ʼ பட²தி ஸுகீ²ஸ்தவ இதி ச ஸமாப்த꞉ 14
