कदाचित्कालिन्दी तटविपिनसङ्गीतकरवो
मुदा गोपीनारी वदनकमलास्वादमधुपः ।
रमाशम्भुब्रह्मा अमरपतिगणेशार्चितपदो
जगन्नाथः स्वामी नयनपथगामी भवतु मे ॥ १ ॥
kadācitkālindī taṭavipinasaṅgītakaravo
mudā gopīnārī vadanakamalā svādamadhupaḥ |
ramāśambhubrahmā amarapatigaṇeśārcitapado
jagannāthaḥ svāmī nayanapathagāmī bhavatu me || 1 ||
கதா³சித்காலிந்தீ³ தடவிபினஸங்கீ³தகரவோ
முதா³ கோ³பீநாரீ வத³னகமலா ஸ்வாத³மது⁴ப꞉ .
ரமாஶம்பு⁴ப்³ரஹ்மா அமரபதிக³ணேஶார்சிதபதோ³
ஜக³ந்நாத²꞉ ஸ்வாமீ நயனபத²கா³மீ ப⁴வது மே .. 1 ..
भुजे सव्ये वेणुं शिरसि शिखिपिच्छं कटितटे
दुकूलं नेत्रान्ते सहचर कटाक्षं विदधते ।
सदा श्रीमद्वृन्दावन वसतिलीलापरिचयो
जगन्नाथः स्वामी नयनपथगामी भवतु मे ॥ २ ॥
bhuje savye veṇuṃ śirasi śikhipicchaṃ kaṭitaṭe
dukūlaṃ netrānte sahacara kaṭākṣaṃ vidadhate |
sadā śrīmadvṛndāvana vasatilīlāparicayo
jagannāthaḥ svāmī nayanapathagāmī bhavatu me || 2 ||
பு⁴ஜே ஸவ்யே வேணும்ʼ ஶிரஸி ஶிகி²பிச்ச²ம்ʼ கடிதடே
து³கூலம்ʼ நேத்ராந்தே ஸஹசர கடாக்ஷம்ʼ வித³த⁴தே .
ஸதா³ ஶ்ரீமத்³வ்ருʼந்தா³வன வஸதிலீலாபரிசயோ
ஜக³ந்நாத²꞉ ஸ்வாமீ நயனபத²கா³மீ ப⁴வது மே .. 2 ..
महाम्भोधेस्तीरे कनकरुचिरे नीलशिखरे
वसन् प्रासादान्तः सहज बलभद्रेण बलिना ।
सुभद्रा मध्यस्थः सकलसुरसेवावसरदो
जगन्नाथः स्वामी नयनपथगामी भवतु मे ॥ ३ ॥
mahāmbhodhestīre kanakarucire nīlaśikhare
vasan prāsādāntaḥ sahaja balabhadreṇa balinā |
subhadrā madhyasthaḥ sakalasurasevāvasarado
jagannāthaḥ svāmī nayanapathagāmī bhavatu me || 3 ||
மஹாம்போ⁴தே⁴ஸ்தீரே கனகருசிரே நீலஶிக²ரே
வஸன் ப்ராஸாதா³ந்த꞉ ஸஹஜ ப³லப⁴த்³ரேண ப³லினா .
ஸுப⁴த்³ரா மத்⁴யஸ்த²꞉ ஸகலஸுரஸேவாவஸரதோ³
ஜக³ந்நாத²꞉ ஸ்வாமீ நயனபத²கா³மீ ப⁴வது மே .. 3 .
कृपापारावारः सजलजलदश्रेणिरुचिरो
रमावाणीरामः स्फुरदमल पंकेरुहमुखः ।
सुरेन्द्रैराराध्यः श्रुतिगणशिखागीतचरितो
जगन्नाथः स्वामी नयनपथगामी भवतु मे ॥ ४ ॥
kṛpāpārāvāraḥ sajalajaladaśreṇiruciro
ramāvāṇīrāmaḥ sphuradamala paṃkeruhamukhaḥ |
surendrairārādhyaḥ śrutigaṇaśikhāgītacarito
jagannāthaḥ svāmī nayanapathagāmī bhavatu me || 4 ||
க்ருʼபாபாராவார꞉ ஸஜலஜலத³ஶ்ரேணிருசிரோ
ரமாவாணீராம꞉ ஸ்பு²ரத³மல பங்கேருஹமுக²꞉ .
ஸுரேந்த்³ரைராராத்⁴ய꞉ ஶ்ருதிக³ணஶிகா²கீ³தசரிதோ
ஜக³ந்நாத²꞉ ஸ்வாமீ நயனபத²கா³மீ ப⁴வது மே .. 4 ..
रथारूढो गच्छन् पथि मिलित भूदेवपटलैः
स्तुति प्रादुर्भावं प्रतिपद मुपाकर्ण्य सदयः ।
दयासिन्धुर्बन्धु: सकलजगतां सिन्धुसुतया
जगन्नाथः स्वामी नयनपथगामी भवतु मे ॥ ५ ॥
rathārūḍho gacchan pathi milita bhūdevapaṭalaiḥ
stuti prādurbhāvaṃ pratipada mupākarṇya sadayaḥ |
dayāsindhurbandhu: sakalajagatāṃ sindhusutayā
jagannāthaḥ svāmī nayanapathagāmī bhavatu me || 5 ||
ரதா²ரூடோ⁴ க³ச்ச²ன் பதி² மிலித பூ⁴தே³வபடலை꞉
ஸ்துதி ப்ராது³ர்பா⁴வம்ʼ ப்ரதிபத³ முபாகர்ண்ய ஸத³ய꞉ .
த³யாஸிந்து⁴ர்ப³ந்து⁴: ஸகலஜக³தாம்ʼ ஸிந்து⁴ஸுதயா
ஜக³ந்நாத²꞉ ஸ்வாமீ நயனபத²கா³மீ ப⁴வது மே .. 5 ..
परब्रह्मापीडः कुवलय दलोत्फुल्लनयनो
निवासी नीलाद्रौ निहित चरणोऽनन्तशिरसि ।
रसानन्दी राधा सरस वपुरालिङ्ग नसुखो
जगन्नाथः स्वामी नयनपथगामी भवतु मे ॥ ६ ॥
parabrahmāpīḍaḥ kuvalaya dalotphullanayano
nivāsī nīlādrau nihita caraṇo'nantaśirasi |
rasānandī rādhā sarasa vapurāliṅga nasukho
jagannāthaḥ svāmī nayanapathagāmī bhavatu me || 6 ||
பரப்³ரஹ்மாபீட³꞉ குவலய த³லோத்பு²ல்லநயனோ
நிவாஸீ நீலாத்³ரௌ நிஹித சரணோ(அ)னந்தஶிரஸி .
ரஸானந்தீ³ ராதா⁴ ஸரஸ வபுராலிங்க³ நஸுகோ²
ஜக³ந்நாத²꞉ ஸ்வாமீ நயனபத²கா³மீ ப⁴வது மே .. 6 ..
न वै याचे राज्यं न च कनक माणिक्य विभवं
न याचेऽहं रम्यां सकल जनकाम्यां वरवधूम् ।
सदा काले काले प्रमथ पतिना गीतचरितो
जगन्नाथः स्वामी नयनपथगामी भवतु मे ॥ ७ ॥
na vai yāce rājyaṃ na ca kanaka māṇikya vibhavaṃ
na yāce'haṃ ramyāṃ sakala janakāmyāṃ varavadhūm |
sadā kāle kāle pramatha patinā gītacarito
jagannāthaḥ svāmī nayanapathagāmī bhavatu me || 7 ||
ந வை யாசே ராஜ்யம்ʼ ந ச கனக மாணிக்ய விப⁴வம்ʼ
ந யாசே(அ)ஹம்ʼ ரம்யாம்ʼ ஸகல ஜனகாம்யாம்ʼ வரவதூ⁴ம் .
ஸதா³ காலே காலே ப்ரமத² பதினா கீ³தசரிதோ
ஜக³ந்நாத²꞉ ஸ்வாமீ நயனபத²கா³மீ ப⁴வது மே .. 7 ..
हर त्वं संसारं द्रुततरमसारं सुरपते
हर त्वं पापानां विततिमपरां यादवपते ।
अहो दीनेSनाथे निहित चरणो निश्चितमिदं
जगन्नाथः स्वामी नयनपथगामी भवतु मे ॥ ८ ॥
hara tvaṃ saṃsāraṃ drutataramasāraṃ surapate
hara tvaṃ pāpānāṃ vitatimaparāṃ yādavapate |
aho dīneSnāthe nihita caraṇo niścitamidaṃ
jagannāthaḥ svāmī nayanapathagāmī bhavatu me || 8 ||
ஹர த்வம்ʼ ஸம்ʼஸாரம்ʼ த்³ருததரமஸாரம்ʼ ஸுரபதே
ஹர த்வம்ʼ பாபானாம்ʼ விததிமபராம்ʼ யாத³வபதே .
அஹோ தீ³னேSநாதே² நிஹித சரணோ நிஶ்சிதமித³ம்ʼ
ஜக³ந்நாத²꞉ ஸ்வாமீ நயனபத²கா³மீ ப⁴வது மே .. 8 ..
